കണ്ണൂര്: തിരുവനന്തപുരം പാളയം ആര്.ശങ്കര് സ്ക്വയറിലുള്ള ആര്.ശങ്കര് പ്രതിമയ്ക്ക് തിരുവനന്തപുരം കോര്പറേഷന് അധികാരികള് വരുത്തിയ നാശനഷ്ടങ്ങള് ചരിത്രത്തോടുള്ള അവഹേളനമാണെന്ന് ഡിസിസി പ്രസിഡന്റ് അഡ്വ.മാര്ട്ടിന് ജോര്ജ് പറഞ്ഞു.ആര്. ശങ്കര് പ്രതിമ തകര്ത്തതിനെതിരേ കണ്ണൂരില് ജില്ലാ കോണ്ഗ്രസ് കമ്മിറ്റി നടത്തിയ പ്രതിഷേധ പ്രകടനത്തിനു ശേഷം നടന്ന യോഗം ഉദ്ഘാടനം ചെയ്യുകയായിരുന്നു അദ്ദേഹം.ചരിത്രപുരുഷന്മാരെ തമസ്കരിക്കുന്ന സംഘപരിവാര് രീതി തന്നെയാണ് സിപിഎമ്മും പിന്തുടരുന്നത്. ആര്.ശങ്കര് കണ്ണൂൂരിനെ പ്രതിനിധീകരിച്ച് നിയമസഭയിലെത്തി മുഖ്യമന്ത്രിയായ നേതാവാണ്. കണ്ണൂരിന്റെ ഇന്നു കാണുന്ന മികച്ച വിദ്യാഭ്യാസ സ്ഥാപനങ്ങളടക്കം ആര്.ശങ്കറിന്റെ സംഭാവനയാണ്. ആര്.ശങ്കറിന്റെ പ്രതിമ കണ്ണൂരില് ഇന്ന് അനാഛാദനം ചെയ്യുമ്പോള് തലസ്ഥാനത്ത് അദ്ദേഹത്തിന്റെ പ്രതിമ തകര്ത്ത സംഭവം അങ്ങേയറ്റം ദൗര്ഭാഗ്യകരമാണെന്ന് മാര്ട്ടിന് ജോര്ജ് പറഞ്ഞു.
നേതാക്കളായ അഡ്വ. ടി ഒ മോഹനൻ , കെ പ്രമോദ്,ടി ജയകൃഷ്ണൻ, സുരേഷ് ബാബു എളയാവൂർ ,അഡ്വ. വി പി അബ്ദുൽ റഷീദ് , മനോജ് കൂവേരി ,മാധവൻ മാസ്റ്റർ ,കായക്കൽ രാഹുൽ ,കൂക്കിരി രാജേഷ്, അഡ്വ. പി ഇന്ദിര , കല്ലിക്കോടൻ രാഗേഷ് ,കെ ഉഷ കുമാരി , തുടങ്ങിയവർ സംസാരിച്ചു
Those who destroyed R. Shankar's statue insulted history - Martin George. Protest in Kannur
